Zehaztu dute zein sei bertsolarik kantatuko duten Mingañe Saltsan sariketako finalean

Uitziko saioan kantatu zuten bertsolariak saio ondoren.

Eneko Lazkoz, Jexux Mari Irazu, Iban Urdangarin, Jone Uria, Josu Sanjurjo eta Oihana Bartra bertsolariek kantatuko dute maiatzaren 27an Leitzan jokatuko den finalean.

Leitzako Atekaberts bertso eskolak lehenengoz antolatu du aurten Mingañe Saltsan bertso afari lehiaketa. Hiru kanporaketa saio jokatu dituzte Uitzin, Berastegin eta Aranon eta saio bakoitzeko irabazlea eta bigarren sailkatuak lortu dute finalerako txartela. 

Giro onean joan dira orain arteko hiru saioak, eta bertsozaleek saio ederrez gozatzeko aukera izan dute. Uitziko saiotik Eneko Lazkozek eta Jone Uriak lortu zuten finalerako txartela, Berastegikotik Jexux Mari Irazuk eta Josu Sanjurjo lesakarrak, eta Aranoko saiotik Iban Urdangarin eta Oihana Bartrak. 

Finala maiatzaren 27an jokatuko dute Leitzako Torrea Tabarnena 21:o0etan hasita, eta afarirako eta bertso saiorako sarrerak salgai daude 25 euroan Torrea Tabernan zein Maimur liburu dendan. Antolatzaileekin harremanetan jarri nahi duenak atekabertsbertsoeskola@gmail.com helbidera, zein @atekaberts instagram zein twitter kontuetara idatzi dezake. 

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun