Leitzaldeko eta Urumealdeko XXI. Haur, Guraso eta Eskolen Topaketa maiatzaren 28an Leitzan eginen dute

Ttipi-Ttapa 2022ko mai. 3a, 15:00
2017an Areson egin zen topaketa.

Pandemia tarteko azken urteetan izan duten geldialdiaren ondotik, aurten gogotsu hartu dute XXI. Haur, Guraso eta Eskolen Arteko Topaketa. Maiatzaren 28an Leitzan egin dute hitzordua eta dagoeneko bazkarirako txartelak erosteko lekuak eta egunak zehaztu dituzte.

Berdintasuna, laguntasuna, festa giroa, konpartsa, jokoak, tailerrak, musika... Hori dena uztartuz eginen dute Aresoko Nazabal eskolako, Goizuetako Andres Narbarte Xalto eta Leitzako Erleta eskolako haurren, gurasoen eta eskolen topaketa.

Bazkaria

Bazkarirako txartelak aurretik erosi beharko dira, haurrena sei eurotan eta helduena hamar eurotan. Areson eskolan erosi beharko dira, maiatzaren 2tik 10era bitarte; Goizuetan estankoan salduko dituzte maiatzaren 2tik 10era; eta Leitzan Maimur liburu dendan erosten ahalko dira, maiatzaren 13tik 20ra.

Autobusa

Egun horretan Goizuetatik Leitzara joateko eta bueltatzeko autobusa ere antolatu dute. Goizean 09:30ean aterako da autobusa plazatik eta itzulerakoa Leitzako kiroldegitik aterako da, 18:30ean. Izen ematea estankoan egin beharko da eta debalde izanen da. Hala ere, autobusa ateratzeko gutxieneko kopurua beharko da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun