2019an hasi zuten eta pandemiaren ondorioz utzi behar izan zuten ekimena berrartuko dute aurten goizuetarrek. Apirilaren 30ean II. Garagardo Festa eginen dute Umore Ona elkartean 21:30ean. Afariak entsalada, zekor saiheskia, saltxitxak, patata purea, postrea, kafea, kopa eta Alemania, Belgika eta Txekiako bost garagardo mota izanen ditu, eta Ainhoa Zabaletaren musikak girotuko du.
Txartelak salgai daude Motzanen eta Amaianen apirilaren 26ra arte, 22 eurotan garagardoekin eta 13 eurotan garagardorik gabe. Sagardoa edo ardoa nahi duenak elkartean eskatzen ahalko du. Lortutako dirua Goittiki herriko haurtzaindegiari laguntzera bideratuko dute, «kalitatezko zerbitzua» eman ahal izateko.