Aurtengo denboraldiari bukaera ezin-hobea eman dio Adur Etxezarreta eskiatzaile aresoarrak. Suitzan, Zinalen, asteburuan jokatu den txapelketan parte hartu du super erraldoi kategorian eta podiumera igo da bi egunetan. Urrezko domina lortu du apirilaren 3an jokatutako proban. 1:07.47 denboran osatu du jaitsiera, Gael Zulaf eta Matteo Amstutz suitzarrei aurrea hartuz. Bezperan, berriz, brontzezko domina lortu zuen.