Leitzan Herri Aretoan
Asteartean, 16:00etan piano eta perkusio emanaldia eginen dute eta 17:30ean trikitixa eta akordeoi ikasleen eta fanfarrearen txanda izanen da.
Asteazkenean, berriz, 17:00etan zeharkako txirulako ikasleek emanaldia eginen dute eta 17:45ean gitarra, saxofoia eta pop-rockaren txanda izanen da. Hitzordua borobiltzeko 19:30ean abesbatzak kontzertua emanen du.
Emanaldi guztiak Herri Aretoan izanen dira
Goizuetan udaletxeko ganbaran
Asteazkenean 16:00etan hasiko da lehen entzunaldia Goizuetan. Ordu horretan, gitarra, saxoa eta pianoa ikasten ari diren musikarien txanda izanen da eta 17:00etan trikitixa ikasleek hartuko dute lekukoa. Talde instrumentalarekin eta pop-rock taldearekin batera ariko dira. Udaletxeko ganbaran izanen dute hitzordua.