Martxoaren 17ko informazio saioan Iban Urdanpilletak (Tolosaldeko Ataria), Alaitz Aizpuruak (Noaua!) eta Igor Astibiak parte hartu zuten (Hekimen Euskal Hedabideen Elkartea). Leitzan komunikatuz egitasmoko talde eragileak adierazi duenez, «hedabideen eremuari errepaso zabala emateko» baliagarria izan zen, eta «Leitzakoari ekiteko informazioa eta gogoetagaiak» bildu zituzten.
Ostegun honetan, martxoaren 24an, eginen duten hurrengo saioa. Zehazki, lehendabiziko parte hartze saioa izanen da. 18:30ean Herri Aretoan bilduko dira. Diagnostikoa egin, helburuak zehaztu eta izaera eta balioak adostu nahi dituzte.
Apirilaren 7an eta maiatzaren 2an eginen dituzten hurrengo saioak.