Igor Zubillagaren heriotza eta «prekarietatean oinarritutako lan harremanak» salatzeko, elkarretaratzea eginen dute Leitzan astearte arratsaldean

Sakana Kooperatibari «segurtasun neurriak ez betetzea» leporatu diote ELAk eta LABek eta Nafarroako Gobernuari, berriz, «beste alde batera begiratzea». Eta egoera salatzeko datorren asteartean bi elkarretaratze eginen dituzte: 11:00etan lehena, Lakuntzan Sakana Kooperatibaren aurrean, eta 19:00etan bigarrena, Leitzako plazan. Leitzako Udalak ere adierazpen instituzionala onartu du Igor Zubillagaren «lan istripua deitoratuz» eta elkartasuna eta atsekabea adieraziz Igor Zubillagaren familia, lagun eta lankideei.