Donostiako Udalak bisita gidatuak antolatzen ditu Artikutza ezagutzeko, eta normalean Eskasetik hasten badira ere, datorren martxoaren 26an eginen den bisita Arriurdinetatik hasiko da. Burdinolen bidea eginen dute, zortzi kilometroko eta 400 metroko desnibeleko ibilbidea.
Ibilbide honetan, Artikutzaren historiako industria aldi garrantzitsuenaren xehetasunak eta honek ingurunean izan duen eragina ezagutuko dituzte. Elama eta Goizaringo burdinolen hondakinak bisitatuko dituzte, eta haien funtzionamendurako beharrezkoak ziren jarduerak azalduko dituzte; meatzaritza, ikazkintza, etab.
Bisita gidatu hauek «segituan» betetzen direnez, goizuetarrentzako 15 plaza gorde dituzte, beraz, ibilbide hau egin nahi duenak 687 83 23 86 telefono zenbakira idatzi beharko du zerrendan sartzeko.