Cederna Garalur elkarteak, Habelartek, eskualdeko udalek eta Leitzeko Kontsumo taldeak osatzen dute Mendialdeko Elikadura Mahaia eta kasu honetan Leitzako kultur taldearekin eta INTIArekin elkarlanean aritu dira ikastaroa antolatzen. Lehenengo saioan, Leitzako eta inguruetako herrietako jendea bildu zen eta inausketei buruzko hainbat xehetasun ikasteko aukera izan zuten Carlos Marzon INTIAko adituaren eskutik.
Hurrengo saioa apirilaren 8an eta 9an eginen dute, gaitzen osasun kudeaketa lantzeko. Hirugarren saioa ekainaren 10erako eta 11rako hitzartu dute mahaiko sagar eta sagarrondoei buruz hausnartzeko eta laugarren eta azken saioa irailaren 30ean eta urriaren 1ean eginen dute, uzta eta uzta ondorenaz aritzeko.