Emakumearen Nazioarteko Egunaren bueltan, ziklo feminista antolatu dute Leitzan. Larunbatean, zoru pelbikoa lantzeko tailerra egitekoa zuten, eta atzoko manifestazioaren ondoren, gaur, asteazkena, autodefentsa feminista tailerra eginen dute, 16:00etatik 20:00etara, eskolako gimnasioan. Lañaidek taldeak antolatu du eta izen-ematea martxoaren 7an bukatzekoa zen.
Igandean, berriz, Kasilda, bukatzen ez den sua antzerkia izanen da Herri Aretoan, 19:00etan, udalak antolatua. Sarrerak 45 minutu lehenago leihatilan salduko dituzte.