Atzo, aldiz, emaitza ona eskuratu zuen Etxezarretak. Jaitsiera proban hamazazpigarren postua eskuratu zuen, eta orain artean euskal herritar batek proba horretan inoiz egin duen denborarik onena izan zen Etxezarretak egindakoa.
Olinpiar Jokoetan egindako lanarekin pozik da aresoarra: «Egindakoaren balorazioa positiboa da. Atzoko emaitza positiboa eta oso ona izan ziren niretzat, eta uste dut egun hauetan maila onean eskiatzen aritu naizela. Munduko onenekin batera izan naiz, eta hori da etxera daramadana».