'Tratu onen kultura gurasogintzan' hitzaldia otsailaren 10ean Goizuetan

Ttipi-Ttapa 2022ko ots. 1a, 16:00

«Gurasoen eta seme-alaben arteko tratu onak eta haurren artekoak gurasoen kezka nagusienetarikoa» direla ikusita, Bhutan proiektuaren barruan, «kezka horri espazio bat» eman nahi izan dio Leitza, Areso, Goizueta eta Aranoko Gizarte Zerbitzuen Mankomunitateak, eta hala, Tratu onen kultura gurasogintzan izenburupean hitzaldia antolatu du. Parte hartzeko aurretik izena eman behar da.

Hitzaldia otsailaren 10ean izanen da, Goizuetako Udaletxeko ganbaran, 17:00etatik 19:00etara. 3 eta 14 urte bitarteko haurren gurasoentzako da eta Arremanitz kooperatibako kideek emanen dute.

Aurreratu dutenez, parte-hartzea errazteko asmoz, zaintza zerbitzua antolatu dute. Bai zaintza zerbitzua erabiltzeko, baita hitzaldian parte hartzeko ere, otsailaren 8an bukatuko da izena emateko epea. Gizarte Zerbitzuen bulegora deitu (948 51 08 40) edo guraso elkarteko helbidera idatzi (g.elkartea@hotmail.com) behar da horretarako.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun