Aresoko eskolako lagunak izan ziren inauteriak ospatzen lehenak. Ostiralean, pailazoek, gimnastek, magoek, mimoek eta musika bandak zirkua osatu zuten. Larunbatean jai giroak jarraipena izan zuen.
Ostiralean zirkuko lagunek herrian barrena kalejira egin zuten eta gero, plazan jarritako karpan emanaldia egin zuten. Larunbatean, berriz, kalejiraren ondoren, umeek dantza emanaldia egin zuten, eta jarraian, bingoan ibili ziren. Eguna borobiltzeko erromeria izan zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.