Goizuetako Goiko zentraletik abiatu eta Sasaingo errekari buelta zirkularra emango diote. Denera 6,71 kilometroko ibilbidea egingo dute, eta zailtasun errezekoa izanen da. Otsailaren 13an 08:45ean plazan elkartuko dira eta bertatik Goiko zentralera kotxez joango dira. Itzulera 13:00etan izango da.
Izen ematea Goizuetako Estankoan egin behar da otsailaren 10a baino lehen. Autoa eramateko boluntarioak behar dira, eta autoa emateko prest dagoenak izena emateko garaian bai paratu beharko du. Ondotik, mendi taldeko kideak jarriko dira berarekin harremanetan.
Irteerara musukoa eraman beharko da segurtasun neurriak mantendu ezin diren momentuetan erabiltzeko. Antolatzaileak ez dira gerta daitezkeen ezbeharrez kargu egingo.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.