Sare sozialetan zabaldutako mezu baten bidez jakinarazi du Etxezarretak Neguko Olinpiar Jokoetan parte hartuko duela: «Sakrifizio eta lan askoren ondoren, oso gustura datorren joko olinpikoetan egongo naizela iragartzeaz. Mila esker egunero ondoan egon eta hobea izaten lagundu didazuenei, zuek gabe ez litzateke posible izango. Beste helburu bat beteta betetzeko geratzen diren askoren artean. Orain lanean jarraitzera».
Ibilbide ederra osatzen ari da Etxezarreta. Berriki, urtarrilaren 14an Europako Kopako jaitsiera proban bigarren postua eskuratu zuen. Aurreko denboraldian, aldiz, munduko kopako hiru probetan parte hartu zuen eta Italiako Cortina d’Ampezzon jokatutako munduko txapelketan ere izan zen.