'Bakea eta bizikidetza lantzen duten liburutegiak' programaren barruan, Nafarroako Liburutegi Publikoek hainbat ekitaldi antolatu dituzte, eta Leitzan abenduaren 30ean izanen da, 11:00etan liburutegian. 8-12 urteko haurrek giza eskubideak landuko dituzte modu dibertigarrian, ginkana baten bidez. Aldez aurretik izena eman beharko da, liburutegian bertan edo 948 510 379 telefonora deituz.