Euriteak 2021.12.10

Leitza eta autobidea lotzen dituen errepidea itxita dago erortza batengatik

Arazoa konpondu bitartean Uitziko errepidea erabiltzeko eskaera egin dute.

Erortza handia izan da NA-1700 errepidean Leitza eta autobidea lotzen dituen bidean. Errepidea itxita dago eta A-15erako lotura egiteko Uitziko errepidea erabiltzeko eskatu du Leitzako Udalak.

Leitzako Udaleko kideak erortza izan den tokian dira kalteak baloratzen eta ahal duten neurrian irtenbidea ematen saiatuko dira. Astibi baserriaren inguruan izan da gaurko erortza, Areso alderago, 2014an gertatu zen luiziaren gunetik oso gertu. 

Alternatiba bezala, Uitziko errepidea erabiltzeko eskaera egin du Leitzako Udalak, Areso eta Leitza arteko baserri bidea estua baita oso trafikoa bi noranzkoetan ibili ahal izateko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun