Urtxintxa Aisialdi Eskolak aurre-begirale izateko ikastaroa emanen du abenduaren 18an, 27an, 28an eta 29an. Bi egunez Larraunen eta bi egunez Leitzan, 09:30etik 14:30era izanen dira tailerrak, azken egunean izan ezik, 10:00etatik 18:00etara izanen baita, bazkaria barne. Ikastaroa, bazkaria eta garraioa doan izanen dira. Leitzako eta Larraungo Udalak antolatu dute ikastaroa Gizarte Zerbitzuen Mankomunitateekin batera eta Nafarroako Gobernuaren laguntzarekin.
Eskualdeko 14-17 urte bitarteko gazteentzat dago zuzendua ikastaroa, eta Urtxintxako Diploma Ofiziala jasoko dute parte-hartzaileek. Plaza mugatuak izanen ditu, beraz, abenduaren 14a baino lehen eman beharko dute izena interesatuek. Hiru aukera izanen dute horretarako; Amazabal institutuko tabloietan izena ematea, whatssappez edo telefonoz deitzea 605 46 68 05 edo 681 26 51 89 zenbakietara eta korreo elektronikoz ssbirurtzun.izabala@gmail.com edo prebentzioa@lagagizartezerbitzua.org helbideetara.