Kikilisalda proiektu komunitarioak elikadura osasungarriari buruzko hainbat jarduera antolatu ditu 'Sukaldatu, zuk aldatu' kanpainaren barruan. Goizuetan izanen da hurrengo hitzaldia, abenduaren 13an Udaletxeko Ganbaran 18:00etan.
Bertan, Itxaro Zabaleta dietista eta nutrizionistak haurrak sukaldean murgiltzeko gakoak azalduko ditu eta familiako elikadura osasuntsuaz arituko da. Plaza kopurua mugatua izanen da eta abenduaren 10ean 13:00etan itxiko da izena emateko epea. Interesdunek Xalto eskolako galdetegiak bete edo Anikote kiroldegira deitu beharko dute 948 510 719 telefono zenbakira.