Azaroak 25

Ekitaldiak antolatu dituzte Areson ere azaroaren 25erako

Zauria(k) dokumentaleko irudi bat

Genero Indarkeriaren Kontrako Egunera begira, dokumental emanaldia eta kontzentrazioa izango dituzte

Zauria(k) dokumentala ikusteko aukera izango dute 17:00etatik aurrera Udaletxean biltzen direnek. Eromena eta osasun mentala ikuspegi feminista batetik lantzen duen dokumentala da Zauria(k). Sufrimendu psikosoziala eta genero bizipenak uztartzen ditu bederatzi emakumeri ahotsa emanaz.

Ondoren, 19:00ak aldera plaza zaharrean kontzentrazioa egingo dute. Aurreko urteetan Leitzan bildu izan dira aresoar zein leitzarrak, baina aurten bilkura herrian bertan egin nahi izan dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun