Indarkeria Matxistaren Kontrako Egunaren bueltan, hainbat ekitaldi antolatu dituzte Goizuetan. Azaroaren 17an 'Emakumeen kontrako indarkeria: Zer eragin dauka gure herrian?' hitzaldia izan zuten Emaginekin eskolako jangelan.
Azaroaren 21ean, igandean, Zauria(k) dokumentalaren emanaldia izanen dute Goizuetako udaletxeko ganbaran 18:00etan. Eromena, gaizkiegonak eta osasun mentala ikuspegi feminista batetik lantzen duen dokumentala da, sufrimendu psikosoziala eta genero bizipenak uztartzen 9 emakumeren errealitateak kontatzen dituenak.
Azaroaren 25ean, Genero Indarkeriaren Aurkako Egunean, kalejira eginen dute 18:30ean herritik plazaraino, Goizuetako Emakume Taldeak antolatua. Egun horretarako morez janzteko eta balkoiak morez apaintzeko deialdia egin dute.