Udan egin zen ikastaroaren arrakasta ikusita, patinaje ikastaroak antolatu ditu beste behin KirolMank kirol mankomunitateak. Azaroaren 20an eta abenduaren 18an izanen dira jardunaldiak 12:30etik 13:30era. Bi saioetan edo bakarrean izena emateko aukera izanen da.
Lehenbiziko jardunaldian parte hartzeko azaroaren 17ko 14:00ak baino lehen eman beharko dute izena. Bigarrenerako, berriz, abenduaren 15eko 14:00ak arte izanen dute apuntatzeko aukera. Saioak aurrera ateratzeko gutxienez zortzi lagun bildu beharko dira.
Interesatuek kirolmankomunitatea@gmail.com helbidera idatzi beharko dute inskripzio-orria eskatzeko. Saio bakoitza ordaindu beharko da, sei euro eta erdi haurrentzako eta hamar euro helduentzako.