Hasierako helburu nagusiari eutsi diote azoka guztietan: «inguruko baserritarrek era iraunkor eta arduratsuan ekoizten dituzten produktuak sustatzea, ikusaraztea eta saltzea». Baina bide beretik, «zeharka beste balio garrantzitsuak» ere zabaldu nahi izan dituzte: «kontsumo arduratsua, ekonomia zirkularra eta Km 0 ekimenen garrantzia, besteak beste», antolatzaileen irudiko, horiek «ezinbestekoak baitira beste eredu sozioekonomikoa eraikitzeko».
Nekazaritzako elikagaien ekoizpena eta tokiko ekoizleak lehenetsi dituzte, «bereziki eskualdeko lehengaien erabilera». Hala ere, ekoizpen propioa duten eskualdeko artisauek ere parte hartu dute.