Antton Apezetxea goizuetarra txapeldun Muebles Polque txapelketan

Ttipi-Ttapa 2021ko ira. 27a, 17:00
Antton Apezetxeak txapeldunaren txapela ez ezik, Nobleziaren saria ere eskuratu zuen Abel Barriolaren eskutik.

Larunbatean Labriten jokatutako finalean, Uriberekin batera, 22-19 irabazi zien Murua eta Ibarlozari.

Txukun Lakuako David Uribek eta Umore Onako Antton Apezetxea goizuetarrak irabazi dute afizionatu mailako Muebles Polque txapelketa. Larunbatean Labriten jokatutako finalean 22-19 irabazi zieten Soraluzeko Ander Muruari eta Markina Xemeingo Aimar Ibarlozari.

Final gogorra izan zen, ia ordubetekoa eta 464 pilotakadakoa. Uribe eta Apezetxea aurretik hasi ziren, 8-2, 9-4 eta 12-5. Baina Murua eta Ibarlozak partida berdintzea lortu zuten, hamalauna, hamazazpina eta hemeretzina. Azken hiru tantoak, baina, Uribek eta Apezetxeak lortu zituzten.

Txapeldunaren txapela eta sariaz gain, nobleziaren saria ere eskuratu zuen Antton Apezetxeak, Abel Barriolaren eskutik.

Jubenil mailako finalean, Irribarriak eta Iztuetak 22-15 irabazi zieten Egiguren eta Ugartemendiari.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun