Saralegi talogileen kutixiak dastatzeko aukera izan zuten atzo Leitzako plazara hurbildu ziren hainbat eta hainbat lagunek. Horrez gain, artisau azoka ere egin zuten eta 25 artisauk parte hartu zuten, tartean, hainbat herritarrek: Gorritz baserrikoak, Txokosfera, Paul (bitxiak), Ekhi (margoak) eta Begoña (jatekoa). Horiez gain, larrua, bitxiak, egurra, gazta, eztia, ukenduak... denetarik plazaratu zuten artisauek.
Talo tailerra eta lehiaketa izan ziren eguneko beste hitzorduak. Umeentzako talo tailerrera 200 bat ume hurbildu ziren, eta norberak bere taloa egiteko eta dastatzeko aukera izan zuen. Helduentzako talo lehiaketak ere ez zuen hutsik egin. 11 lagunek parte hartu zuten eta aurtengo txapelduna Maite Agirre izan zen.
Arratsaldean JD Porruren ikuskizunak eman zion egunari bukaera.
Argazkiak: Julian Zabaleta, Eneritz Iraola eta Juan Mari Barriola.