Udalak urtero diruz lagundu du Ttipi-Ttapa
Aurretik ere, Aranoko Udalak urtero dirulaguntza eman dio Ttipi-Ttapa Fundazioari hala nahi duten Aranoko etxe guztietara Ttipi-Ttapa aldizkaria bidaltzeko. Gaur egun, Aranoko 44 etxetara eramaten da hamabostero Ttipi-Ttapa eta zeregin horretan Udalak 638,55 euroko laguntza emanen dio Fundazioari. Hemendik aurrera, alabaina, legeak behartzen dituen eskakizunekin betetzeko, aspalditik datorren elkarlanari lege-forma ematea hobetsi da eta Lankidetza Hitzarmena sinatu dute Udalak eta Fundazioak lehen aldiz.