Azken aldian egin dituzten mobilizazioekin, asteazkenean Gobernuko kontseilari bat Leitzara joatea lortu zuten, hainbat hobekuntza agintzera. Adibidez, asteburuetan kendu duten zerbitzua martxan jarriko dute larunbat honetan bertan.
Hala ere, Leitzako Udaletik «ez dela nahikoa» adierazi dute, eta aldarrikapenekin jarraitzeko herritarren garrantzia azpimarratu dute. Horregatik, doako autobus bat antolatu dute astearterako, 14:00etan geltokitik abiatuko dena. Itzulia 17:00etan izanen da. Herritarrak parte hartzera animatu dituzte, aldarrikapenak Iruñera eramateko parlamentariak saioan bilduta daude bitartean. Astitz eta Maimurren jarri dituzte izena emateko zerrendak.
1.380 sinadura lortu dituzte dagoeneko, eta parte hartu nahi dutenek Astitz, Maimur edo www.change.org web orrian sinatu dezakete.