Nafarroako Gobernuko Lurralde Kohesiorako Departamentuari arazoaren sakontasuna ikusarazteko helburuarekin sinadura bilketa abiatu zen ekainaren 11n eta, astebetean, 1.200etik gora sinadura bildu dituzte herriaren eta eskualde osoaren beharraren larritasuna argi utziz.
Horrekin batera, Leitzako Herri Aretoaren atariko autobus geltokira deitu zituzten herritarrak pasa den ostiralean, aldarri gisara argazki jendetsua ateratzeko.
Protestaren hurrengo pausua Nafarroako Parlamentuan izanen da ekainaren 29an, 15:15ean. Egun horretan, herritarrak Iruñera mugituko dira (ordu horretan joateko zerbitzurik ez dagoenez, alokatu behar izan den autobusean). Parlamentuaren udal ordezkariek arazo honi buruzko lan-saioa dute programatua eta, aldi berean, herritarrek kanpoaldean kontzentrazio bat eginen dute garraio publiko duinak aldarrikatzeko.