Leitzako garraio publikoa «oso eskasa» dela eta, sinadura bilketa abiatua du Leitzako Udalak Nafarroako Gobernuari «zerbitzu duina» eskatzeko. Astebetean 1.100 sinadura bildu dituztela jakinarazi du, eta oraindik sinatu ez dutenek ekainaren 28ra arteko epea izanen dute. Alde batetik, Astitz eta Maimur liburu-dendetan paperean sina daiteke, eta beste aldetik, www.change.org web orrian.
Ez da «garraio publiko duinaren alde» abiatu duten ekimen bakarra. Bihar, ostiralean, argazki jendetsua aterako dute autobus geltokian, Leitzako Herri Aretoaren atarian, 20:00etan. Eta ekainaren 29an Nafarroako Parlamentura joanen direla iragarri dute, «ikus gaitzatela!».