Ostegunean, ekainaren 17an, alde batetik, Iker. Mendia. Etxea dokumentala ikusteko aukera izanen da eta bestetik, Iker Karrera, Bidea Ipar liburua aurkeztuko dute. Hitzordua 18:30ean Leitzako Herri Aretoan egina dute eta Iker Karrera eta liburua idatzi duen Unai Ugartemendia kazetaria ere bertan izanen dira.
Egunean bertan liburuak salgai jarriko dituzte eta bildutako dirua LHL erronkara bideratuko dutela jakinarazi dute. Bestelako ekarpenen bat egin nahi dutenek www.lhl.eus atarian egin dezakete.