Asteartean, ekainaren 15ean, Leitza, Goizueta, Areso eta Aranoko herritarren txertaketa izanen dute Leitzan. 50-59 urte bitartekoek bigarren txertoa hartuko dute (aurreko txertoa jaso zuten ordu berean) eta 40-49 urte bitartekoek lehenbizikoa jasoko dute. Hori horrela, kiroldegia itxita egonen da.
Udalak nabarmendu duenez, egun bakarrean 1.000 pertsona baino gehiago txertatuko dituzte eta, beraz, «oso garrantzitsua da emandako orduan joatea, ez goizegi ezta berandu ere». Horrez gain, «ahal bada» oinez joateko deia egin dute: «jende pilaketak saihestea denon esku dago».