Buruz buruko promozio txapelketako finalaurrekoak jokatuko dituzte gaur Gernikan. Horietako batean, Iker Salaberria goizuetarra eta Peio Etxeberria ultzamarra izanen dira aurrez aurre, eta bertzean Erasun eta Egiguren V.a gipuzkoarrak.
Salaberriak nahiz Etxeberriak erraz irabazi zituzten final laurdenetako partidak: Goizuetarrak zazpi tantotan utzi zuen Larrazabal eta Etxeberriak lau tantotan Zubizarreta. Ultzamakoa izanen da faborito garbia, baina Salaberriak ere bere aukerak baliatu nahi izanen ditu.