Ibon Mugerza surflaria (Europako txapelduna), Irati Idiakez snowboardlaria (Munduko kopako txapelduna) eta Gorka Zubeldia Ultra trailetako lasterkaria izan ziren bertan haien esperientziak partekatzeko, inklusioaren alde. Ondotik, kamisetak eta bertzelakoak sinatzen ere ibili ziren.
Honez gain, LHL erronka inklusibotik jakinarazi dutenez, materiala saltzen hasi dira nahi dutenek lagundu dezaten. Kamisetak, musukoak, botilak eta poltsak jarri dituzte salgai, haur eta helduentzako, hainbat neurri eta koloretakoak. Ostiralero Leitzako plazan egonen dira 19:00etatik 20:00etara produktuak saltzen.