Urrezko Banakako Aizkolari Txapelketa Eusko Label Sariko final laurdenetako bigarren eta hondarreko kanporaketa jokatuko dute maiatzaren 23an, igandean 12:00etan Lekunberriko Jaian Jai pilotalekuan. Julen Olano leitzarra izanen da eskualdeko ordezkari bakarra.
Leitzarrarekin batera Goizeder Belza (Etxarri-Aranatz), Hodei Ezpeleta (Mendaro), Julen Aranberri Elorriaga II.a (Zumarraga), Oier Kañamares IV.a (Arostegi), Juanjo Lopez Azpilikueta (Lezaun), Juan Rodriguez (El Espinar-Segovia), Jon Rodriguez II.a (El Espinar-Segovia) eta Ibai Soroa (Arribe) ariko dira, maiatzaren 30eko finalerdietarako eskubidea emanen duten hiru txarteletako baten bila. Finalerdi horretan izanen dira Patxi Mindegia zubietarra, Joxean Etxeberria zigatarra eta Xuban Kañamares V.a.
Harri-jasotzaileak ere
Hiru hamarreko harri-jasotze txapelketan, Otxandioko Urdax Magunazelaia eta Oriok Aimar Galarraga izanen dira aurrez aurre, bina minutuko txandetan 125na kiloko harri zilindrikoarekin, kubikoarekin eta borobilarekin. Emakumezkoen harri-jasotze txapelketan Naiara Zumeta oriotarra ariko da harri zilindrikoarekin, kubikoarekin eta borobilarekin.