Mimukai proiektuaren azken parte-hartze saioan parte hartzeko bideoa egin dute

Ttipi-Ttapa 2021ko mai. 4a, 13:00

Leitzako Herri aretoan eginen dute Mimukai proiektuaren azken parte-hartze saioa ostegun honetan, maiatzaren 6ean, 17:00etan. Antolatzaileek bideo informatibo bat egin dute jendea parte hartzera animatzeko.

Eskualdeko 11 udalerrik Cederna Garalur elkartearekin batera sortutako proiektua da Mimukai, Garapenerako eta Eraldaketarako Zentroa sortzea duena helburu, Larraun-Leitzaldeko ekonomia eskualdeko ikuspegiarekin garatzeko. Hainbat herritan ibili da parte-hartze saioen prozesua eta aste honetan izanen da azkena Leitzan, prozesuaren laburpena eta egoera azalduko dutena. Bertan parte hartzera animatu dituzte herritarrak.

Aurretik izena emateko, mimukai@cederna.es helbide elektronikoa eta 617 609 328 telefono zenbakia eskuragarri daude interesa dutenentzat. Gainera, saioa online zuzenean ikusteko aukera emanen dute, Leitzako Udala Komunikazioa Youtubeko kanalaren bidez.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun