Sasiak eta belarra garbitzeko makina prest dutela iragarri du Leitzako Udalak. Belarra mozten eta elurra kentzen modu eraginkorragoan aritzeko, aurtengo helburuetako bat traktore eta desbrozatzeko besoa erostea zela iragarri zuten. Desbrozatzeko makina dagoeneko erosi dute eta udaberri honetan auzoetako errepideak, natur-bidea eta gainerako bideak garbitzeko erabiliko dute. Honez gain, laster traktore berria erosi eta zaharra saltzeko prozedura hasiko dutela iragarri dute.