Ernaik LAB sindikatuarekin batera prestatu duen Gazteontzako lan eskubideen gida aurkezteko hitzordua prest dute Leitzan. Maiatzaren 5ean, asteazkenean, dute hitzordua, 19:00etan Herri Aretoan. LABeko Gaizka Uharte eta Ernaiko Maddi Isasi izanen dira hizlari eta «pandemiak gazteengan izandako eraginaz, enplegu sarbidean kontuan izan beharreko gakoez, langileen eskubide eta betebeharrez, ohiko iruzurrez...» hitz egingo dutela adierazi dute.