Non dago Mikel? dokumentala proiektatuko dute Goizuetan

Ttipi-Ttapa 2021ko api. 14a, 18:00

Udaletxeko Ganbaran ikusten ahalko dute goizuetarrek Mikel Zabalzaren inguruko dokumentala apirilaren 17an, larunbatean 19:00etan. Dokumentalaren egileak ere bertan egonen dira.

Amaia Merino eta Migel Angel Llamas Pitu egileak Non dago Mikel? aurkeztuko dute Goizuetan. Hilabete bat baino gehiago darama dokumentalak zinemetan eta harrera ona izan du. Sarrerak Goizuetako Estankoan salgai daude dagoeneko bost euroren truke.

Sinopsia

1985ean, Guardia Zibilak atxilotu ondotik, Mikel desagertua dago. Eta bizirik aurkitzeko esperantza ahuldu ahala, Euskal Herriko kaletan oihu bat adituko da gero eta ozenago: Non dago Mikel?”

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun