Leitzako sei familiak abiatu dute proiektua, herritarrak sentsibilizatzeko eta behar bereziak dituztenei bizitza errazteko ekarpenak egiteko. Hainbat ekitaldiren artean, atzo udaletxean elkartu ziren taldeko gaztetxoenak Leitzako alkalde eta aparejadorearekin. Txikienei eman zieten ahotsa eta Leitza inklusiboagoa izateko hainbat instantzia sartu zituzten.
Gainera, galdeketa bat prestatu dute taldean lagundu nahi duen edozeinek betetzeko. Herri lan-sarea sortu nahi dute, ahalik eta oihartzun eta atxikimendu handiena lortzeko. Apirilak 9 arte ematen ahalko dute izena interesatuek galdetegi hau betez.