Honela dio filmaren sinopsiak: Ttikitako lagun kuadrilla bat asteburu pasa joanen da landetxe batera beraietako baten ezkondu aurreko agurra ospatzera. Urteak, ordea, ez dira alferrik pasatzen eta elkarren arteko lotura estua sentitu arren, deus ez da garai batean bezala; edo bai… Asteburu «eroa» izan behar zena, are gehiago erotuko da; trapu zaharrak, esan gabeko gauzak, esandakoak, alkohola, droga eta erlauntz bat. Esaten da erleak direla animalien erreinuan hobekien komunikatzen diren izakiak. Eta dantzan komunikatzen omen dira…
Mireia Gabilondok zuzendutako lanean Aitziber Garmendia, Sara Cozar, Naiara Arnedo, Itziar Atienza, Getari Etxegarai eta Leire Ruiz dira aktoreak.