Desfibriladorea jarri dute Aranon

Ttipi-Ttapa 2021ko ots. 3a, 16:00

Nafarroako Gobernuko Osasun Departamentuak emandako dirulaguntza tarteko, Aranoko Udalak desfibriladorea jarri du medikuaren kontsultategiaren kanpoaldean.

Itxura denez, erreferentzia-zentroa 20 minutura baino gehiago den herri txikietan desfibriladorea beharrezkoa da, eta horixe izan da Aranoren kasua, Goizueta 20 minutura baino gehiagora dutelako. 

Joxan Ruiz Aranoko alkateak argitu duenez, «oraingoz, desfibriladorea instalatu baino ez dute egin. Aurrerago nola erabili behar den jakiteko eta bestelako azalpenak emateko ikastaro bat ematera etorriko dira. Herritarrei horren berri jakinaraziko diegu».  

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun