Inauteriak bertan behera utzi dituzten herrien zerrendara batu da Goizueta. Mozorro Taldeak oharra kaleratu du, «Covid-19 dela eta, aurten inauteriak ez direla ospatuko» esanez. Mozorro Taldeak, guraso elkartearekin eta udalarekin batera, hartu du erabakia.
Zabaldu duten oharrean, «erabakia pena handiz»hartu dutela diote, «baina pandemia egoera honetan, neurriak errespetatzeko eta arriskuak ekiditeko erabakirik onena dela uste dugu».
Egoerak hobera eginen duen itxaropenarekin, «espero dugu Goizuetako inauteriak berriro ere elkarrekin ospatzeko aukera izatea», gaineratu dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.