Udaletxeko teilatuko berritze lanak egiteko Karrape irratiko antena kendu behar izan zuten eta aste batzuez Internet bidez bakarrik aditu ahal izan da. Lanak bukatuta, antena berriz ere martxan paratu dute eta, ondorioz, ilbeltzaren 29tik aurrera Internetez eta betiko irrati seinalearen bidez entzuten ahal da.
Irrati uhinen bidez edo Interneten
Interneten, ordenagailua edo mugikorra erabiliz, www.leitza.eus helbidean aditu ahal da, 'zuzenean entzun' irudian klik eginez. Emisio ordutegitik kanpo ere elkarrizketak entzungai daude, 'grabazioen zerrendan'. Irrati uhinen bidez, berriz, irrati entzungailua 107.8 zenbakian sintonizatuz entzun ahal izanen da. Zuzeneko saioak 10:30etik 14:00 arte dira.