Zerbitzu anitzetako lanpostuan aritzeko izangaien zerrenda osatzeko deialdia egin du Aresoko Udalak

Zerbitzu anitzetako langilearen eginkizun nagusiak honako hauek izanen dira:

• Ur biltegien, kloratzaileen eta hornidura zein saneamendu sareen mantentze-lanak egitea.
• Herriko argiteriaren mantentze eta zaintza lanak.
• Herriko bide eta mendien mantentze lanak.
• Igeltsero, iturgintza, elektrizitate, zurgintza eta soldadura lanak egitea.
• Udalak eskatutako egitura eta aparailuak jarri eta kentzea.
• Hiri altzarien pintatze lanak.
• Aresoko hilerriko garbiketa eta mantentze lanak.
• Aresoko eskolako mantentze lanak.
• Aresoko Udaletxeko mantentze lanak.
• Laguntza administratiboko oinarrizko lanak.

Lanpostua eskuratu nahi duten izangaiek honako baldintza hauek bete beharko dituzte: 

• Adinez nagusia izatea eta, hala bada, legez ezarritako adina ez gainditzea.
• Euskaraz jakitea. Eskatutako titulazioa ez badu, ezagutza hori egiaztatzeko, euskara-mailako proba bat egin beharko du izangaiak, lanpostuko hizkuntza eskakizunari dagokion hizkuntza-maila nahikoa duela zehazteko.
• Eskola Graduatu, Lehen Mailako Lanbide Hezkuntzako edo baliokide den titulua izatea.
• B1 motako gidabaimena izatea.

Eskabideak 2021eko otsailaren 5a baino lehen aurkeztu behar dira Aresoko Udalean edo e-Postaz areso@areso.eus helbidera bidaliz.