Langileetako batek kontatu digunez txertoa jasotzera Irurtzunera joan ziren eta «sanitarioak, soziosanitarioak eta menpekotasun handia duten beste batzuekin batera guk ere jaso ahal izan genuen. Menpekotasun handikoek anbulantzietan egin zuten joan-etorria; gu, berriz, gure kabuz joan ginen. Hala ere, aurrera begira, beharrezkoa dutenen kasuan etxeetara joateko aukeraz hitz egiten sumatu genituen...».
Zalantzarik ez
Egunean bertan jaso zuten txertatzeko aukeraren berri, eta ez zuten zalantzarik izan: «10:30ean deitu ziguten eta, haiek aipatu bezala, 13:30erako seirok joan ginen». Txertoak ia ondoriorik ez die utzi, «biharamunean besoa minbera izan genuen, besterik gabe...».
Hurrengo dosia otsailaren 8an izanen dute eta egun horretan eurek ez ezik Goizuetako eta Aranoko langileak ere joatekoak omen dira: «guk bigarrena hartuko dugu eta haiek lehenbizikoa. Azken momentuko deia izan zenez haiek ez zuten lana antolatzerik izan eta...».