Datorren igandean, ilbeltzaren 24an, 40 urte eta aldapan behera niek/n umorezko bakarrizketa saioa dute Leitzan. Hasiera batean 19:00etarako aurreikusita zuten ikuskizun bakarra baina saio horretarako sarrera guztiak saldu direnez, emanaldia bikoiztea erabaki dute. Emanaldi hori igandean bertan izanen da, 17:30ean. Sarrerak Astiz eta Maimur liburu-dendetan daude salgai bost eurotan.
Marradun kamisetak eta bonberrak janzten zituen belaunaldikoa da Ion Martinez. Gaztetan ez bezala, orain lagun batekin gozotegian geratu eta infusio bat hartzea ospakizuntzat hartzen dutenen ordezkaria bezala identifikatzen du bere burua. Bakarrizketan bere belaunaldiari buruzko umorezko pasarte batzuk eskaintzen ditu. Martinez 40 urtekoez ari da, nahiz eta berak oraindik 39 dituen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.