Haurrentzako zinea eskainiko dute abenduaren 30ean Leitzako Herri Aretoan

Ttipi-Ttapa 2020ko abe. 29a, 09:00
Deskargatu Info Ahotsak :
es en fr

'Elkano, lehen mundu bira' filmaren irudia.

Asteazkenean Grufaloa eta Elkano, lehen mundu bira filmak pantailaratuko dituzte Herri Aretoan. Bi filmak ikusteko sarrerak Astizen eta Maimurren eskuragarri daude bi euroren truke.

17:00etan Grufaloa filma eskainiko dute. 

Grufaloa

Grufaloa Julia Donaldsonek 1999an argitaratutako ipuin bat da. Ipuinaren protagonista sagu bat da, zeinak Europako basoetan bizitako abenturak kontatzen dituen.  2016an Amets Santxez Munainek euskarara itzuli eta argitaratu zuen.

18:30ean Elkano, lehen mundu bira pantailaratuko da.

Elkano, lehen mundu bira

Juan Sebastian Elkano marinel getariarrak XVI. mendean munduari eman zion itzulia izanen du hizpide. 240 marinel itsasoratu ziren 1519 urtean, baina hogei baino ez ziren itzuli. Espezia bila abiatu ziren, baina balentria hari esker, garaiko gizarteak munduaz zuen irudia aldatzea lortu zuten.

Kultura Leitzaldea Leitza

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun