Mimukai egitasmoa
Txertatutako arbolei ateratzen zaien kimuaren izena daraman proiektuak, elikadura burujabetza sustatzea du helburu. Alkatearen hitzetan, batetik, «elkarlan edo coworking-erako eta enpresa-mintegirako aretoak» izanen lituzte, eta, baita «janarien prestatzeko sukalde industrial publiko bat eta garapen-agenteentzako eta eskualdeko elkarte ekonomikoentzako bulegoak ere. Tokiko produktua berme guztiekin egin eta balio erantsia eman ahal izateko azpiegitura» litzateke, azaldu du Leitzako alkate Mikel Zabaletak. Gisa honetara «ekoizle txikiek beren produktuak eraldatzeko dituzten oztopoak gainditzea lortuko litzateke, ekoizle txikiek aurre egin ezin dioten inbertsio handiak behar baitituzte», erantsi du.
Aurreikusitako 70.000 euroak «proiektua modu teknikoan» garatzeko erabiliko dituzte, alkateak aurreratu duenez, «egitasmo konplexua» izanen delako.
