Goizez, 13 bikoteen artean, ligaxkako partidak jokatu zituzten. Bikote bakoitzak bi partida jokatu zituen hamar tantora eta puntu gehien lortu zuten bikoteak arratsaldeko fasera pasatu ziren.
Arratsaldean, final-laurdenak 12 tantora, finalerdiak 14 tantora eta finala jokatu zituzten, 16 tantora. Emozioz betetako finala izan zen. Leitzako Goretti Sagastibeltza eta Enara Lasartek eta Lekunberriko Maider Saralegi eta Maddi Galarzak jokatu zuten finala eta 15-16ko emaitzarekin Lekunberrira joan zen garaipena. Denaren gainetik, ordea, «giro bikaina» nabarmendu dute Sastrakak Leitzaldeko talde feministako kideek eta erantzunarekin «oso pozik» gelditu dira.