Abenduko kultur egitaraua betea dator Goizuetara

Ttipi-Ttapa 2020ko abe. 1a, 12:00

Abenduaren lehen eta hirugarren ostiraletan Goizuetako Udalak, Kultur Taldeak eta Euskara Zerbitzuak antolatutako helduentzako emanaldiak izanen dituzte.

Abenduaren 4an abiatuko dute ibilbide kulturala, Bi urte, lau hilabete eta egun bat dokumentalaz gozatzeko parada izanen dute ganbaran, ostiralean 18:30ean. Bertan, Lander Garro, dokumentalaren zuzendaria, egonen da.

Hilaren 18an Luze edo motz umorezko emankizunaren bueltan bilduko dira, ganbaran, 18:30ean. Ikuskizuna Idoia Torregarai eta Mirari Martiarenak zuzenduko dute eta sarrerak Estankoan salgai egonen dira abenduaren 10etik 17ra bost euroren truke.

Bi hitzorduetan edukiera mugatua izanen da eta segurtasun distantziak mantenduko dira.

Kultura Leitzaldea Goizueta

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun